Қорақалпоғистонда суғориш учун сув ресурсларини тежаш ва тупроқларнинг шўрланишига қарши кураш бўйича технологияни намойиш этиш ва жорий қилиш бўйича лойиҳа – далаларни лазерли текислаш лойиҳаси ўз ишини бошлади.
Суғориладиган деҳкончилик учун сувлар тобора камайиб бормоқда. Бугунги кунда Қорақалпоғистон, Ўзбекистоннинг бошқа вилоятлари каби, сув тақчиллиги муаммосига дуч келмоқда. Ерларнинг катта қисми унумдорлигини йўқотмоқда. Қишлоқ хўжалиги айланмасига киритилган ерлар сув тақчиллигини ҳис этмоқда. Аммо қанчалик ғайри табиий туюлмасин, ҳеч ким сувни тежашни истамайди.
Қорақалпоғистон Фермерлари Уюшмаси ушбу лойиҳа орқали маҳаллий фермерларга ерларнинг унумдорлигини ошириш орқали сувни қандай тежаш мумкинлиги, тупроқнинг ортиқча шўрланишининг олдини олиш имкониятларини кўрсатишни режалаштирган. Лойиҳа далаларни лазерли текислаш бўйича ўзини оқлаган технологияни намойиш этишни мўлжалламоқда. Даставвал Хоразмда ушбу технологиянинг афзалликлари намойиш этилди, сўнгра Наманган ва Қашқадарё вилоятларида шунга ўхшаш лойиҳалар ишга туширилди. Эндиликда Қорақалпоғистонда бундай лойиҳани амалга ошириш ишлари бошланди.
Лойиҳа доирасида Қорақалпоғистон фермер хўжаликларига республиканинг 9 та тумани учун 12 та лазерли ер текислаш ускунаси етказиб берилади: БМТРД нинг «Орол денгизи ҳалокатидан зарар кўрган аҳолининг турмуши ва иш фаолиятини таъминлаш» лойиҳаси амал қилаётган 3 та туманнинг ҳар бирига 2 тадан ускуна етказиб берилади. Булар - Шуманай, Мўноқ ва Қоникўл туманлари; ва Қорақалпоғистоннинг бошқа туманлари - Элликқалъа, Амударё, Тўрткўл, Чимбой, Хўжайли ва Кегейли туманларига – 1 тадан ускуна етказиб берилади.
Лойиҳани амалга ошириш давомида технология Қорақалпоғистоннинг барча 9 та тумани учун кенг намойиш қилинади. Сўнгра Хоразм вилоятидаги каби, иқтисодий таҳлил ўтказилади – яъни, ўз маблағлари ҳисобидан бу технология кенг кўламда жорий қилинганда Қорақалпоғистон қанча сувни сақлай олиши ва қўшимча равишда қанча иқтисодий соф фойда олиши мумкинлиги аниқланади.
Лойиҳа янгиликларини кузатиб боринг.
