Сиз велосипедларни ёқтирасизми? Саргузаштларга қизиқиб, шанба кунингизни яхши ўтказмоқчимисиз?
У ҳолда бу янгиликни ўтказиб юборманг!
Александра Поварич сурати
24 сентябрь куни Тошкентда Велоквест – кўнгиллилар учун велоўйин бўлиб ўтади. ГЭЖ Кичик Грантлар Дастури ҳамда "Билайн"компанияси ва "Лимпопо" МЧЖ кўмагида Ўзбекистон ёшлар экологик тизими томонидан уюштирилмоқда.
Велоквест Тошкентда бўлиб ўтади. У 2010 йил 19 июнда бўлиб ўтган мусобақага ўхшайди. Тўғриси,
бу гал мукофотлар бироз соддароқ.
Ўйин 4 кишилик гуруҳда ўтказилади. Иштирокчилар фақат велосипедда ҳаракатланишлари мумкин (шлем бўлиши шарт). Фақат вояга етганлар қатнашишлари мумкин. Ўйин тахминан 13:00дан 18:00гача ўтказилади.
Ўйинда иштирок этиш бутунлай текин. Совриндорларни кўплаб мукофотлар кутмоқда!
Велоквест Encounter шаҳар ўйинлари ҳаракатида ўтказилади. Барча топшириқларни ўйинчилар мусобақа пайтида интернет орқали оладилар.
Шунинг учун ҳам командалар учун минимал зарурат бу ноутбук/нетбукларнинг мавжудлиги. Интернетга кириш учун барча командаларга "Билайн" компаниясининг 3G модеми берилади. (команда мазкур компаниянинг sim-картасига эга бўлиши керак).
Ўйинда иштирок этиш учун қуйидагиларни амалга ошириш зарур:
1) команданинг ҳар бир аъзоси uz.en.cx сайтида рўйхатдан ўтиши зарур.
2) команда сардори бу ресурсда ўз гуруҳини тузиб, унга команда аъзоларини таклиф қилиши зарур.
3) бош саҳифада команда сардори ўйинда иштирокини тасдиқлаши шарт.
Команда сардорлари учун ўйин олдидан бриффинг ўтказилади. Унда сиз ўйин ҳақида батафсил маълумотларни оласиз ва ўзингизни қизиқтирган саволларни беришингиз мумкин. Бриффинг 23 сентябрь 20:00да "Ла Рива" кафесида бўлиб ўтади. Ҳар қандай маълумот учун (+99897) 335-51-84 телефон орқали мурожаат қилишингиз мумкин.
Агар сизнинг велосипедингиз бўлмаса, лекин ўйинда қатнашишни хоҳласангиз "Лимпопо" компаниясига телефон орқали мурожаат қилиб ижарага велосипед олишингиз мумкин: (+99894) 679-87-37.
