Лойиҳа фермерлик хўжалигида чорвачилик чиқиндиларидан биогаз ишлаб чиқариш бўйича қурилма ҳамда газни ёқиш орқали электр-энергиясини олиш имконини берувчи газ генераторидан иборат энергия таъминоти мажмуасини яратишни кўзда тутади.

Лойиҳанинг асосий мақсади қишлоқ аҳолисининг энергияга бўлган эҳтиёжини қондириш учун биогаз қурилмасидан фойдаланиш имкониятларини намойиш этишдан иборат. Таклиф этилаётган лойиҳани амалга ошириш орқали ГЭЖ КГД стратегиясини бажариш, яъни республиканинг ҳар бир вилоятида биогаз қурилмаларидан фойдаланиш имкониятлари ва реалликларини намойиш этиш томон яна бир қадам босилган бўлади. Шу пайтгача ГЭЖ КГД Қашқадарё вилоятида бу технологияни намойиш этмаган эди.

Лойиҳа доирасида битта фермерлик хўжалиги ва яқин атрофда жойлашган аҳолини газ ва электр-энергияси билан таъминлаш учун биогаз қурилмасини барпо этиш ва уни ишга тушириш ишлари амалга оширилади. Олинган электр-энергияси ёрдамида қишлоқдаги деҳқон хўжаликларини каналдан олинадиган суғориладиган сув билан таъминловчи насос станциясини ҳамда фермерлик хўжалиги ҳудудида жойлашган қудуқдан ичимлик сувини олувчи насосни иш билан таъминлаш режалаштирилган. Шу тарзда, фермерлик хўжалиги ва қўшни 15 та уй хўжалиги суғориладиган ва ичиладиган сув билан таъминланади. Улар фермер-бенефициарни молиялаштиришга ўзларининг пул маблағларини қўшадилар. Шунингдек, улар биогаз қурилмасини органик хомашё билан таъминлашга ҳам ҳар куни ўз ҳиссаларини қўшиб турадилар. Таклиф этилаётган лойиҳа доирасида атмосферага иссиқхона газларининг ташланишини қисқартиришга эришган ҳолда, фермерлик хўжаликларини газ ва электр-энергияси билан таъминлаш учун муқобил энергия манбаларидан фойдаланиш имкониятларини намойиш этиш режалаштирилган.

Лойиҳа билан батафсил лойиҳа ҳужжати орқали танишишингиз мумкин.

лойиҳа ҳужжатини юклаб олиш (рус тилида)

лойиҳа бюджетини юклаб олиш (рус тилида)