Иқлим ўзгармоқда. Буни ҳамма аллақачон сезган бўлиши керак. Ҳатто статистик маълумотларсиз ҳам. Аммо бу йил табиат илтифотли - етарлича ёғингарчилик кузатилмоқда. Ҳаттоки одатдагидан кўпроқ. Яқинда янгиликларда бир ой мобайнида Тошкентда 30 йил давомида кузатилмаган кўп ёғингарчилик бўлганлиги ҳақида айтиб ўтилди. Айтгандай, бу ҳам иқлим ўзгаришининг оқибатидир – қисқа вақт оралиғида кўп ёғингарчилик. Лекин ҳозир бу ҳақда эмас.

Ер намланяпти. Чўл ҳам нам тортяпти. Ҳозир чўлни қайтадан тиклаш учун айнан энг яхши пайт. Айнан ҳозир кўчатларни экиш керак. Биз бир неча бор “Жайрон” экомарказининг “Саксовул экайлик” номли ташаббуси ҳақида Facebook даги дўстларимиз билан ўртоқлашдик. Айни пайтда биз ушбу масалани эслатиб ўтмоқчимиз.

Биз Сурхондарё сафаридан қайтаётган эдик (яхши насос ва янги лойиҳа ҳақида ўқинг). Бунга қадар бошқа лойиҳамиз учун экишга материал сотиб олиш тўғрисида Ғиждувон ўрмон хўжалиги билан келишиб олган эдик. Биз у ердан саксовул кўчати ва уруғини сотиб оламиз. Жуда катта миқдорда маблағни иқтисод қила олдик ва Жайрон экомаркази учун 2 тонна уруғ сотиб олдик. Ёдингизда бўлса, лойиҳамиз доирасида биз янги ҳудудлар қўшиб олдик. Лекин янги ҳудудлар қаттиқ емирилган. Мол кўплигидан қаттиқ босимга учраб, кучдан қолган. Уни қайта тиклаш керак.
Айнан ҳозир чўлнинг тикланишини бошлаши учун ёрдам беришга қулай фурсат келди. Экомарказ ҳодимлари аллақачон экин ишларини бошлашган. Экиш материаллари ҳам мавжуд. Фақатгина экиш учун ишчи кучи етишмаяпти. Одамлар керак. Мана шунинг учун ҳам экомарказ сизларга мурожаат қилмоқда. Илтимос, экомарказ билан биргаликда экинларни ўтқазишга келинглар, чўлга ёрдам беринг. Ҳозирча экиш мумкин. Эълонда муддат 30-декабргача қилиб белгиланган. Ҳозирча об-ҳаво мўътадил ва совуқ тушгунча экиш мумкин. Тўлиқ маълумотни бу ердан ўқинг.

Тўсилган комплекс атрофига уруғ сепилгандан кейин бўш қоплар билан

Биз ҳам экиш ишларида бироз иштирок этдик. Қуйидаги расмларда уруғ экиш қандай ўтганлигини кўришингиз мумкин. Биз фақат 200 кг эка олдик. Ҳали 2 тонна бор. Ҳали кўп ниҳоллар олдинда турибди. Келинглар, чўлга ёрдам беринглар. Ҳали сизларга ҳамма: табиат, одамлар, ҳайвонлар, қушлар, ҳамма–ҳамма миннатдорчилик билдиради...
Шунингдек, экомарказ сайтидаги янгиликларни шу ердан ўқинг.